Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 363 Hüküm no: 731 Orijinal metin no: [96a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza b. Mustafa’nın, Selman Ağa Vakfı’ndan aldığı ödünç için evini rehin verdiği Kazıyye Vech-i tahrîr oldur ki Merhûm Selman Ağa’nın mütevellîsi olan Süheyl b. Abdullah meclis-i şer‘a hâzır gelip şöyle takrîr-i merâm kılıp dedi ki merhûm Selman Ağa’nın vakıf kıldığı meblağdan işbu sâhibü’s-sicil Hamza b. Mustafa’da iki bin akçe vardır deyicek mezbûr Hamza ikrâr eyledi ve çuha kaftan bahâsından yüz seksen üç akçe dahi vardır deyicek Hamza [d]ahi anı da ikrâr eyledi cem‘an iki bin yüz seksen üç akçe deynim vardır deyu i‘tirâf edicek ve meblağ-ı mezbûr için Bulgurlu mahallesinde sâkin olduğu evlerini rehin kodum dediği sebebden mezkûr mütevellî Süheyl talebiyle deftere kayd olundu. Tahrîren fî gurre-i Safer sene 927. Şuhûdü’l-hâl: Mustafa b. Karaca ve Halil b. Mustafa Terzi ve Mezid b. Mustafa ve Ali Bâli b. Kılavuz ve gayruhum