Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 395 Hüküm no: 793 Orijinal metin no: [106b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’nın, Ali Bâli’ye ödünç verdiği Sebeb-i tahrîr-i kalem budur ki Nefs-i Üsküdar’dan Ali Bâli nâm kimse meclis-i şer‘de şöyle ikrâr kılıp dedi ki merhûm İbrahim Ağa’nın vakıf kıldığı meblağdan ibtidâ-i târih-i kitâbdan on iki ayda edâ etmek üzere nâib-i menâb olan İbrahim elinden karz bin ve kuşak bahâsından yüz akçe deynim vardır deyu ikrârını ve mâl-ı mezbûrun mukābelesinde rehin koyup mezkûr İbrahim kabûl edip sebt-i sicil olundu. Tahrîren fî evâili Şevvâl sene 926. Şuhûdü’l-hâl: Muharrem Müezzin ve Mehmed Çıplak ve gayruhum mine’l-müslimîn.