Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 421 Hüküm no: 821 Orijinal metin no: [112b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Samandıra ihzariyesinin Veli’ye mukataaya verildiği Vech-i tezkiretü’l-hurûf budur ki Karye-i Samandıra’nın ihzârı berât-ı hümâyûn ile mutasarrıf olan Arabzâde’nin vekîl[i] olan Umur Bey meclis-i şer‘a hâzır gelip yine karye-i mezkûreden Veli[’yi] ihzâr [edip] mezbûr Umur Bey takrîr-i merâm ve sebt-i kelâm kılıp eyitti ki karye-i mezbûrenin ihzârın mezkûr Veli’ye seb‘a Cemâziyelâhir’in gurresinden iki yüz elli akçeye bir yıl tamâm olunca verdim deyicek mezkûr Veli mukırr-ı mezbûru kavlinde bi’l-muvâcehe tasdîk eyleyip deftere sebt ü sicil olundu. Tahrîren fî evâhiri Recebi’l-mürecceb sene seb‘a ve ışrîn ve tis‘a-mi’e. Şuhûdü’l-hâl: Süleyman Halife b. İsmail ve Ali b. Üveys ve Sinan b. Abdi ve İsmail Bey b. Mustafa ve gayruhum mine’l-hâzırîn