Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 442 Hüküm no: 836 Orijinal metin no: [116b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Çelebi’nin, Abdullah Bey’in azatlı kölesi Balaban’ın oğlu olduğu Kazıyye Vech-i tahrîr oldur ki Mahmud Çelebi b. Abdullah Bey tarafından şer‘an vekâleti sâbit olan Süleyman b. Abdi meclis-i şer‘a hâzır gelip bilesince nefs-i Üsküdar’a emîn olan Timurhan b. İsmail[’i] ihzâr edip dedi ki Üsküdar’da mahalle-i Geredelü’de fevt olan Balaban b. Abdullah benim müvekkilim Mahmud Çelebi’nin vâlidi mezkûr Abdullah Bey’in atîkidir mezkûr Mahmud Çelebi asabe-i sebebiyyesidir deyicek mezkûr emîn Timurhan inkâr eyledi gıbbe’l-inkâr mezkûr Süleyman’ın da‘vâsına muvâfık beyyine taleb olundukda udûl-i müslimînden Evrenos b. Yahşi ve Ayas b. Abdullah hâzırân olup dediler ki biz şâhidleriz ve şehâdet dahi ederiz ki mezkûr müteveffâ Balaban merhûm Abdullah Bey’in atîkidir mezkûr Mahmud Çelebi mezbûr Abdullah Bey’in sulbî oğludur ve [Balaban’ın] asabe-i sebebiyyesidir deyu ol bâ‘isden merkūm Mahmud Çelebi’nin asabe-i sebebiyyeliğine hükm olunup mesfûr Süleyman talebiyle deftere sebt olundu. Tahrîren fî evâili Muharrem min şuhûri sene seb‘a ve ışrîn ve tis‘a-mi’e. Şuhûdü’l-hâl: Ali b. Ahmed ve Mustafa Fakih b. Salih ve Kılavuz b. Aslıhan ve Yahşi b. Abdullah ve Yusuf b. Abdullah ve gayruhum