Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 454 Hüküm no: 847 Orijinal metin no: [119b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Balaban b. Abdullah’ın Geredelü mescid imamlığı için para vakfettiği paranın Evrenos b. Yahşi’ye teslim edildiği Kazıyye Vakf-ı meblağ-ı Balaban Vech-i tahrîr oldur ki Mahalle-i Geredelü’de müteveffâ olan Balaban b. Abdullah’ın atîki olan Alagöz b. Abdullah meclis-i şer‘a hâzır gelip şöyle takrîr-i merâm kılıp dedi ki benim mevlâm olan Balaban b. Abdullah Geredelü mescidine bin akçe her kim imâm olursa gallesi anın ola deyu vakf etmişdi meblağ-ı mezbûru vasiyy-i muhtâr olan Evrenos b. Yahşi’ye teslîm ettim dedikde merkūm Evrenos ben dahi meblağ-ı mezbûru bi’t-tamâm alıp kabz eyledim deyu ikrâr eylediği sebebden mesfûr Alagöz talebiyle deftere sebt olundu. Tahrîren fî evâili Safer min sene seb‘a ve ışrîn ve tis‘a-mi’e. Şuhûdü’l-hâl: Mehmed Fakih b. Yahya ve Kılavuz b. Aslıhan ve Yusuf b. Abdullah ve Hasan b. Sarıca