Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 465 Hüküm no: 870 Orijinal metin no: [123a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bahşı b. Abdullah’ın, Kara Mehmed b. Davud’a ödünç verdiği Kara Mehmed b. Davud nâm kimse, üzerinde ve zimmetinde, sâhib-i hâze’s-sicil mütevellî Bahşı b. Abdullah’ın râyiç fi’l-vakt 562 buçuk akçe hakkı bulunduğunu ikrâr ve i‘tirâf etti. Bunun 500 akçesi karz-ı hasenden, kalan 62 buçuk akçesi de satılıp teslîm alınmış çuka bahâsındandır. Hâlen bir sene tamâmına mü’eccel bu meblağ, üzerinde lâzimü’l-edâ borçtur. Mukırr-ı mezbûru mukarrun lehü’l-mezbûr vicâhen ve şifâhen tasdîk etti. Tahrîren fî evâsıt-ı şehri âhir-i Cumâdeyn sene 927 Şuhûdü’l-hâl: Pîri b. Hızır el-mütevellî ve Kılavuz b. Aslıhan ve gayruhumâ Derkenar: Mezkûr mâlı mütevellî olan Muhsin b. Abdullah bi’t-tamâm aldım dedikde ikrârı mezbûr Mehmed’in talebiyle sebt-i defter olundu. Tahrîren fî evâhiri Cumâdelûlâ sene 928. Şuhûdü’l-hâl: Hızır Davud b. Mehmed ve Kabil b. Abdullah