Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 470 Hüküm no: 877 Orijinal metin no: [124b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Kemal Fakih’in varisleri rızalarıyla altı yüz akçe vermeyi kabul ettikleri Vech-i tezkiretü’l-hurûf budur ki Karye-i Nerdübanlı’dan Turâbi b. Hamza meclis-i şer‘a hâzır gelip bile karye-i mezkûreden ve fevt olan Kemal Fakih’in vârisleri olan Hızır b. Cafer ve Cennet bt. Üsküdârî, Muhtereme bt. Turla’yı (?) hâzırûn edip mezkûr Turâbi takrîr-i merâm ve tebyîn-i kelâm gelip eyitti ki müteveffâ-i mezkûr fevt oldu islâsdan ve vesâyâdan nesne bulunıcak cümle mâlından mezkûrûn vârisler rızâlarıyla altı yüz akçe harc edip kabûl ettiler deyicek mezkûrûna suâl olundukda mukābelede bi’l-i‘tirâf cevâb verdiklerinden sonra ırzâlarıyla deftere sebt ve sicil olundu. Tahrîren fî evâhiri Recebü’l-mürecceb sene seb‘a ışrîn ve tis‘a-mi’e. Şuhûdü’l-hâl: Yeniçeri Hacı b. Abdullah ve Ali b. Yusuf ve İbrahim b. Hızır ve Pîri b. Hamza ve gayruhum mine’l-müslimîne’l-hâzırîn