Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 471 Hüküm no: 879 Orijinal metin no: [125a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa’nın vakıftan ödünç aldığı Sebeb-i tahrîr-i hurûf oldur ki Üsküdar’da İbrahim b. Gündüz meclis-i şer‘a hâzır gelip bile Karye-i Viran’dan Mustafa[’yı] ihzâr edip mezkûr İbrahim takrîr-i merâm ve tebyîn-i kelâm kılıp eyitti ki kasaba-yı mezkûreden merhûm ve mağfûrun-leh Hüseyin Bey -tâbe serâhû-nun vakıf akçesinden mezkûr Mustafa’ya altı yüz akçe karz-ı hasen verdim (…) gayrı çuha kaftan bahâsından altmış akçe vardır deyu ikrâr ve i‘tirâf eyledi ikrârları sarîhen, şer‘iyyen ve i‘tirâfen, sarîhen, mer‘iyyen mezkûr Mustafa mukırr-ı mezbûru kavlinde bi’l-muvâcehe tasdîk eyledi bu cümle meblağ-ı mezkûra İsmail b. Gündüz kefîl olup deftere sebt ve sicil olundu. Tahrîren fî evâhiri Recebi’l-mürecceb sene seb‘a ve ışrîn ve tis‘a-mi’e. Şuhûdü’l-hâl: Derviş Üveys b. Halil ve Hamza b. Gündüz ve Kabil b. Abdullah ve Pîri b. İbrahim ve gayruhum mine’l-müslimîne’l-hâzırîn ve nâzırîn