Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 479 Hüküm no: 891 Orijinal metin no: [129a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sara’nın eşi Abdullah b. Yahşi’nin vakfına itirazının reddi ve vakfın onaylanması (…) ki Yahşi b. Abdullah’ın zevcesi olan (…) Sara’yı ihzâr kılıp işbu müşârun-ileyha zevcem (…) nefs-i Üsküdar’da vâki‘ olan Kepçe mescidi demekle ma‘rûf (...) kendi mâlından üç bin beş yüz akçe vakf eylediği (...) bir cüz tilâvet edip vakf-ı mezkûrun (...) yevmî bir akçe mutasarrıf ola ve beni mütevellî nasb edip meblağ-ı mezbûrun fazlasını hakk-ı tevliyet şart eyledi dedikde mezbûre Sara bi’l-inkâr cevâb vericek udûl-i müslimînden Mevlânâ Abdülcelil b. Nasuh ve Süleyman Halife b. Ivaz mütevellî-i mezbûrun sıdk-ı da‘vâsına mutâbık şehâdet-i şer‘iyye kıldıklarında sıhhat-i vakfa ve lüzûmuna hükm olunup sebt-i sicil olundu. Tahrîren fî evâili şehri âhiri’l-Cumâdeyn sene 927. Şuhûdü’l-hâl: Bekir Halife b. Şeyh Sevindik ve Hayreddin el-kâtib ve Süleyman Halife b. Yakub el-Hatîb ve Hürrem b. Abdullah ve Pîri b. Hızır ve gayruhum