Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 482 Hüküm no: 894 Orijinal metin no: [130a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Şaban Halife’nin vakfa ve Koca Yazıcı’ya borçlu olduğu (…) oldur ki (…) Hatice nâm hâtunun (…) Abdülcelil b. Nasuh’u meclis-i şer‘a ihzâr edip (…) merhûm Şaban Halife’nin nefs-i Üsküdar’da (…) evkâfına bin akçe deyni olup ben kefîl bi’l-mâl olmuş idim (…) muhallefâtından edâ eyledim dedikde mezbûr Mevlânâ Abdülcelil bi’l-inkâr cevâb vericek udûl-i müslimînden Şaban b. (…) ve Emir b. ( ) şehâdet için hâzırân olup mâte hüve ve aleyhi deynine şehâdet eyledikleri bâ‘isden ba‘de’t-ta‘dîli’ş-şer‘î hükm olunup sebt-i defter olundu. Tahrîren fî evâili şehri âhiri’l-Cumâdeyn sene 927. Şuhûdü’l-hâl: Hüsam b. Mustafa ve Hayreddin Bey el-Kâtib ve Yahşi b. Abdullah ve Kılavuz b. Aslıhan ve gayruhum Derkenar: Vech-i tahrîr oldur ki Merhûm Şaban el-mezbûrun Koca Yazıcı nâm kimesneye dahi bin akçe deyni olup mâte hüve ve aleyhi deyn şâhidleri vekîlân-ı mezbûrân yüzlerine sâbit olup sebt-i defter olundu. Eş-şuhûd mâ-merre.