Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 54 Hüküm no: 12 Orijinal metin no: [2a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kemal Subaşı b. Abdullah’ın evini vakfetmesi Sebeb-i tahrîr-i hurûf oldur ki Kasaba-i Üsküdar’da müteveffâ olan Kemal Subaşı b. Abdullah sâkin olduğu evini yanında bağçesiyle -ki ma‘lûmetü’l-hudûddur- vakf edip evlâd için, nefs-i imâm-ı mahalle için, fukarâ-i müslimîn için müteveffâ-yı mezbûrun mukaddemâ hâkimü’l-vakt olan Mevlâna Hacı Halife’den vakfiyyesi ibrâz olup nazar olundukda vâkıf-ı mezbûrun sıhhat-ı vakfiyyetine hükm olunup ba‘dehû vakf-ı mezkûr harâba müteveccih olması lâzım olup onun meremmâtı için mütevellî şey’en lillâh lâzım [ve] lâbüd olduğu ecilden kıbel-i şer‘den cemâ‘at-ı mezbûrdan Balcı Reis b. Mustafa mütevellî nasb olunup ba‘demâ meremmât görülüp ba‘dehû mahalle-i mezbûrda imâm olan sâkin ola, gıbbe’t-taleb mâ-hüve’l-vâkı‘ sebt-i defter olundu. Tahrîren fî evâili Recebi’l-mürecceb sene 935. Şuhûdü’l-hâl: Abdullah Halife b. Yahşi, Başçı Yusuf b. Abdullah, Süleyman b. Abdi, Hacı Mustafa b. Hasan, Sinan Beşe b. Abdullah, Memişah b. Süleyman. Zikr olunan eve mahalle-i mezbûre cemâ‘atı bi-esrihim nâzır ola, hâkimü’l-vakt ma‘rifetinden hâric bir kimesne amel eylemeye, şöyle kavl olunmuşdur. Şemseddin ed-Dâ‘î Be-kazâ-i Gekvize el- mahrûse