Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 56 Hüküm no: 20 Orijinal metin no: [3a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Abdullah’ın eşi Selcük bt. Abdullah’ı boşaması Sebeb-i tahrîr-i kitâb-ı şer‘î budur ki Trabzonlu Ali b. Abdullah, Timurhan b. İsmail[’i] meclis-i şer‘de ihzâr edip senin zevcen Selcük bt. Abdullah’dan şübhe ederin, doğrudur veya istikāmetine mahallinden bir kimesne kefîlcik ver, dedikde mezkûr Ali dahi kefâletden âciz olduğu ecilden mezbûre zevce Selcük’ü talâk-ı selâseye muhzır Mehmed b. Süleyman’ı vekîl nasb eyledi, mezbûr Mehmed dahi mezkûre Selcük’ü talâk-ı selâseyle boşayıp mezkûre Selcük dahi cemâ‘at-ı kesîre içinde mehrimden ve nafakamdan bi’l-külliyye ferâğat eyledim, min-ba‘d mezkûr zevcim Ali ile da‘vâm ve nizâ‘ım yokdur ve eğer da‘vâm ve nizâ‘ım olursa ınde’l-hâkim mesmû‘ olmaya, dedikde mezkûr Ali dahi mezbûre Selcük’den da‘vâm ve nizâ‘ım yokdur dediği ecilden talebleriyle deftere sebt olundu. Tahrîren fî evâhıri’l-Cumâdeyn sene selâsîne ve tis‘a mi’e. Şuhûdü’l-hâl: Kemal b. Yakup, Musa b. Ahmed, Yeniçeri Hamza b. Abdullah, Kulağuz b. Aslıhan, Mustafa Bey b. Abdullah.