Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 59 Hüküm no: 25 Orijinal metin no: [3b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Sebeb-i tahrîr-i kitâb-ı şer‘î budur ki Acemi oğlanlardan Hamza nâm kimesne bir uzun boylu açık kaşlı gök gözlü sarışın sağ gözü ucunda ve burnu üstünde yarası olan Rûsiyyü’l-asl başına kızıl takye ve eğinine köhne kebe yelek giyer çoban şalvarıyla ve ayağına köhne âsumânî çakşır giyer abd-ı âbık ibâkat edip Üsküdar Emîni olan Timurhan b. İsmail’e şehr-i Recebin üçüncü günü yevmü’l-Cum‘a teslîm olunup nafakası ve hıfzı için yevmî ikişer akçe takdîr olundu, talebiyle deftere sebt olundu. Tahrîren fî evâili Recebi’l-mürecceb sene 930. Şuhûdü’l-hâl: Mehmed b. Süleyman, Kulağuz b. Aslıhan ve kâtibü’l-hurûf. Mezkûr-[u]ı mevsûf abd-ı âbıkın sâhibi kazâ-i Yenice’den [...] Pürçek nâm karyeden İsa b. Devlethan imiş, teslîm olunup deftere sebt olundu. Tahrîren fî evâili Receb.