Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 72 Hüküm no: 66 Orijinal metin no: [8a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hint asıllı kaçak kölenin satılması Sebeb-i tahrîr-i kitâb-ı şer‘î budur ki Karye-i Bulgurlu’dan Ramazan nâm kimesne bir abd-ı âbık Kanber nâm Hindiyyü’l-asl esvedü’l-levn mütevassıtu’l-kāme eğininde gök fisdanı ve kızıl yeleği ve kızıl şeb-külâhı ve ayağında çizmesi var getirip ba‘de mâ-akarra bi’r-rıkkıyye ve’l-ibâka zâbıtu’l-avâbık kāid-i cüyûşü’l-müslimîn Hızır Çavuş’a teslîm edip hıfzı ve nafakası için yevmî ikişer akçe takdîr olunup deftere sebt olundu .Tahrîren fi’l-yevmi’s-sadîs min şehri Receb sene 930. Şuhûdü’l-hâl: Mevlâna Dayı b. Rüstem el-hatîb, Hürrem Halife b. Abdullah, Mustafa Bey b. Abdullah ve gayruhüm. Mezbûr [u] mevsûf abd-ı âbıkın müddet-i örfiyyesi tamâm olup sipâhiyan zümresinden Yahya b. Abdullah[’a] yedi yüz on beş akçeye bey‘ olundu, mirâren mezâd olundukdan sonra. Şuhûdü’l-hâl: Murad Çelebi b. Mevlâna İsa, Hüsam Bey b. Abdullah ve muhzırlar.