Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 88 Hüküm no: 113 Orijinal metin no: [12b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Yahşi’nin kızı için eski eşi Hatun Paşa’ya nafaka ödemesi Sebeb-i tahrîr-i sicil budur ki Mezbûr karyede mütemekkine Hatun Paşa’nın vekîli olan Eşref b. Mehmed meclis-i şer‘de Habip b. Babacık mahzarında takrîr-i merâm kılıp eyitti ki, mezbûre müvekkilem zevce-i mutallakasından kızcağızı için sâbıkan Kadı olan Mevlâna Yahşi zulmen yevmî iki akçe nafaka takdîr eyledikde hâliyâ kudreti olmayıp mâh be-mâh otuz beş akçeye sulh olunup ve iktidârı olmadığına ahâli-i karye-i mezbûrenin halkı iktidârı olmadığına şehâdet eyledikleri ba‘de’t-tezkiye ve’t-tahlîfi’l-âdî hayyiz-i kabûlde vâkı‘ olduktan sonra fi’l-vâkı‘ mâh be-mâh otuzbeş akçe takdîr olunup sebt-i sicil olundu. Tahrîren fî evâsıtı Muharremi’l-harâm sene ihdâ selâsîne ve tis‘a mi’e. Şuhûdü’l-hâl: Bâli b. Aslıhan, Mehmed b. Süleyman, Hacı Bey b. Abdullah, Mürüvvet b. Mehmed, Musa b. Hüseyin, Süleyman b. Mehmed Fakih ve gayruhüm.