Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 105 Hüküm no: 167 Orijinal metin no: [17b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Katırcı Mahmud b. İbrahim’in hırsızlıkla suçlanan Bursalı Münevver’e kefil olması Sehv, Âhıru’r-rebî‘ayn 931 Zâyid Vech-i tahrîr-i hurûf budur ki Mahrûse-i Bursa’dan Sultan imâreti mahallesinde Payrekçi Mehmed b. Karakadı meclis-i şer‘a mezbûr medîneden ve mahalleden Katırcı Mahmud b. el-Hâc İbrahim[’i] ihzâr edip sâbıkan sen icâre [ile] getirdiğin avret ki -Münevver’dir- bizim bazı esbâbımız sirkat eyleyip ibâkat eyledi . Mezbûre Münevver ile husûmet eyleyip meclis-i şer‘a geldikde nakıl teklîf olundukda sen mâni‘ olup eğer nakıl gelir ise ol sirkat olunan esbâbı ben tazmîn eyleyeyin dedin, mezkûr inkâr edicek udûl-i müslimînden Hasan b. Musa ve Süleyman b. Yusuf ve Mevlâna Ahmed Çelebi nâm kimesneler vech-i meşrûh üzere şehâdet-i şer‘iyye eyledikleri ba‘de’t-tezkiye ve’t-tahlîfi’l-âdî hayyiz-i kabûlde vâkı‘ olup talebiyle sebt-i sicil olundu. Tahrîren fî evâili âhıri’r-Rebî‘ayn sene 931. Şuhûdü’l-hâl: Hacı Bekir b. Abdullah, Timurhan b. İsmail, Mehmed b. Süleyman, Hızır b. Mehmed ve gayruhüm.