Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 105 Hüküm no: 169 Orijinal metin no: [18a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şahsın borcuna kefil olma Vech-i tahrîr-i hurûf budur ki Karye-i Nerdibanlu’dan Eşref b. Mehmed meclis-i şer‘de karye-i Çengel’den Luka zimmî mahzarında iki bin akçe karz-ı hasenden bana deynin vardır, dedikde mezbûr zimmî mukır olduktan sonra sekiz ayda edâ etmesine Todora b. Kalod ve karye-i İstavros’dan Mihal b. Marsefan ve Yorgi b. Karamadin kefîl bi’l-mâl olup eyittiler ki, eğer sekiz ayda edâ eylemez ise biz mütekeffil olduk ammâ mezbûr karyede olan Kefali Yorgi bağı kurbunda ağıl yerinde olan bağımı rehin tarîkı üzerine verdim ki, eğer ben edâsına kādir olmayacak olur isem mezkûrûn ol bağı bey‘ eylesinler dediği talebleriyle sebt-i sicil olundu. Tahrîren fî evâili âhıri’r-Rebî‘ayn sene 931. Şuhûdü’l-hâl: Mevlâna Lütfi b. İsa Fakih, İsmail b. Gündüz, Saraç Mustafa b. Abdullah ve gayruhüm.