Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 125 Hüküm no: 211 Orijinal metin no: [22b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Paşayiğit’in Sultan Selim Han Vakfı’na borçlu olduğu Vech-i tahrîr-i sicil budur ki Sultan Selim Han evkāfına kâtib olan Murad Çelebi b. Musa karye-i Reisli’de vefât eyleyen Paşayiğit’in oğlu Muharrem mahzarında şöyle takrîr-i kelâm kılıp eyitti ki, vakfın öşr-i gallâtı bahâsından babası Paşayiğit vefât eyleyip zimmetinde üç bin beş yüz akçe deyn lâzımü’l-edâ ve vâcibü’l-kazâ kaldı, diye da‘vâ eyleyicek mezkûr Muharrem sıdk-ı da‘vâsı üzere beyyine taleb eyledikde udûl-i müslimînden Sadık b. Mustafa ve Lütfullah b. Mustafa ve Aslıhan b. Turahan vech-i meşrûh üzere şehâdet eyleyip eyittiler ki, müteveffâ Paşayiğit zimmetinde vakfın öşr-i gallâtı bahâsından üç bin beş yüz akçe deyn lâzımü’l-edâ kaldı, şehâdetleri ba‘de’t-tezkiye hayyiz-i kabûlde vâkı‘ olup gıbbe’t-taleb tescîl olundu. Tahrîren fî evâhıri Şa‘bâni’l-mu‘azzam sene 930. Şuhûdü’l-hâl: Musa b. Kutbeddin, Hacı Bekir b. Abdullah, Bâli b. Aslıhan, Mutaf Mehmed Fakih b. Murad ve gayruhüm.