Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 170 Hüküm no: 244 Orijinal metin no: [31a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatıma’nın eşi Carullah b. Hamza’ya mehrini hibe etmesi Vech-i tahrîr-i sicil budur ki Merhûme Fatıma’nın zevci olan Cârullah b. Hamza meclis-i şer‘de hâzır gelip zikr olunan zevcem mehrin bana hibe-i sahîha ile hibe eyledi mukābelesinde ıvaz ben de bir düğe verdim, dedikde da‘vâ-yı muharreresine muvâfık udûl-i müslimînden Habip b. Baba Fakih ve Mustafa b. İskender ve Turâbi b. Hamza şehâdet eyledikleri hayyiz-i kabûlde vâkı‘ olup sebt-i sicil olundu. Tahrîren fî târihi’l-mezbûr. Şuhûdü’l-hâl: Mevlâna Süleyman Halife b. merhûm Ece Halife, Ali b. Musa, Bâli b. Aslıhan, Mehmed b. İsmail, Hasan b. Durmuş ve gayruhüm.