Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 177 Hüküm no: 249 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Sâre Hatun’un kaldırım inşa edilmesini vasiyet etmesi Vech-i tahrîr-i tezkiretü’l-hurûf budur ki Müteveffâ-yı mezbûrenin vasî-i muhtâr[ı] olan Hoca Abdullah b. Yahşi merhûmenin vârisesi olan Elif Hatun bt. Mehmed’i şer‘-i şerîf meclisine ihzâr edip muvâcehesinde şöyle takrîr-i merâm kılıp eyitti ki, vasıyy-i muhtâr[ı] olduğum merhûme Sâre Hatun esbâbından ve meblağından ve sâirinden sülüs-i vasıyyetim olsun dedi, ba‘dehû sülüs-i vasıyyetimden sen zikr ettiğimden bâkī kalır ise kendi köprüm yanında vefâ ettiği mikdârı bir kaldırım bünyâd eylesinler dedi, dedikde da‘vâ-yı muharreresine muvâfık beyyine taleb olundukda Yeniçeri Mahmud b. Abdullah ve Mehmed b. Hüseyin da‘vâ-yı muharreresine muvâfık şehâdet-i şer‘iyye eyledikleri ba‘de’t-tezkiye ve’t-tahlîfi’l-âdî hayyiz-i kabûlde vâkı‘ olup sebt-i sicil olundu. Tahrîren fî evâili evveli’l-Cumâdeyn sene 932. Şuhûdü’l-hâl: Kābil el-müezzin, Süleyman b. Yusuf, Mehmed b. Süleyman, Hacı Hüseyin b. Kulağuz, Mahmud b. İshak, Berber Hasan b. Musa ve gayruhüm mine’l-müslimîn.