Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 195 Hüküm no: 274 Orijinal metin no: [41a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Davud’un, bostanlığını oğlu Mustafa’ya hibe etmesi Vech-i tahrîr-i sicil budur ki Karye-i Nerdibanlu’dan Hüseyin b. Davud meclis-i şer‘de Kılıç nâm mevzi‘de çeşme kurbunda vâkı‘ olan bostanlıkda birâderim Mustafa ile müşterek mutasarrıfız deyu da‘vâ eyledikde Burak Reis b. Mehmedî ve Ahmed b. Hüseyin işbu vechile şehâdet-i şer‘iyye ettiler ki zikr olunan bostanlığı hâl-i hayâtında babası merhûm Davud mezkûr Mustafa’ya hibe-i sahîha ile hibe eyledi ve mezkûr Mustafa dahi kabz eyledi, diye şehâdet eyledikleri ba‘de’t-tezkiye ve’t-tahlîfi’l-âdî hayyiz-i kabûlde vâkı‘ olup sebt-i sicil olundu. Tahrîren fî 17 evveli’r-Rebî‘ayn sene ihdâ ve selâsîne ve tis‘a mi’e. Şuhûdü’l-hâl: İsa Fakih b. Hacı Ali, Hoca Abdullah b. Yahşi, Seferşah b. Süleyman ve gayruhüm.