Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 198 Hüküm no: 283 Orijinal metin no: [42a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Umur Bey’in kızlarına babalarından kalan mirasın vekil Çalapverdi’ye teslim edildiği Vech-i tahrîr-i sicil budur ki Mahmud Çelebi b. Umur meclis-i şerî‘at-ı garrâda merhûm Umur Bey’in sagîre kızları Iraz ve Mahtî’nin merhûm babalarından bin yüz yetmiş üç akçe ki irsle muntakıl olmuş idi sâbıkan benim zimmetimde iken hâliyâ Selcük’ün vekîli olan zevci Çalapverdi’ye teslîm eyledim, dedikde mezkûr zikr olunan akçeyi bi’t-tamâm alıp kabz eyledim tarafeynden tasdîk ve tesâduk bulunup talebiyle sebt-i sicil olundu. Tahrîren fî târihi’l-mezbûr ve seneti’l-mezkûr. Şuhûdü’l-hâl: Mezkûrûn.