Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 208 Hüküm no: 308 Orijinal metin no: [47b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Kazıyye budur ki İdris nâm kimesne şer‘-i şerîf meclisine bir asferü’l-levn efraku’l-hâcibeyn, kāimü’l-enf, eşhelü’l-ayneyn kara sakallı tavîlü’l-kāme, Rûsiyyü’l-asl eğininde bezden yamalı köhne kaftan ve bir köhne şalvar ve belinde bir kayış siyah bend ve ayağında çarık ve bir edik giyer abd-ı âbık getirip yevmî iki akçe takdîr olunup karye-i İstavros câbisi Ali’ye teslîm olunup sebt-i sicil olundu. Tahrîren fî 2 Şevvâli’l-mükerrem sene ihdâ ve selâsîne ve tis‘a mi’e. Şuhûdü’l-hâl: Hacı b. Abdullah, Süleyman Halife b. İvaz, Eyvâni b. Şah Mehmed ve gayruhüm mine’l-müslimîn. Mezkûr [u] mevsûf abd-ı âbıkın Pîri Bey âdemisi İskender mevlâsı olup âdemisi İskender’e teslîm olunduğu sebt-i sicil olundu. Tahrîren fî 3 Zilhicce sene 931. Şuhûdü’l-hâl: Receb b. Seydi, Ahmed Çelebi b. Mehmed, Mehmed b. Hızır ve gayruhüm.