Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 212 Hüküm no: 319 Orijinal metin no: [49a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Mustafa Subaşı nâm kimesne bir asferü’l-levn, ezraku’l-ayneyn, eflecü’l-hâcibeyn, evsatu’l-kāme, sakallı, başına keçe külâh ve eğinine ağrız ve ayağına aba çakşır ve pabuç giyer Rûsiyyü’l-asl abd-ı âbıkı sene selâsîne ve tis‘a mi’e Şa‘bânının yirmi altısında tutup fahru’l-a‘yân Hayreddin Çavuş’un âdemi Mahmud’a teslîm olundu. Tahrîren fî evâili Ramazân Sene 930. Şuhûdü’l-hâl: Mezkûrân. Mezkûr [u] mevsûf abd-ı âbıkın sâhibi kazâ-i Yalağâbad’dan karye-i Seydi Bey’den Yeniçeri Hayreddin imiş. İ‘timâd olunduğu ecilden teslîm olundu. Tahrîren fî evâsıtı Ramazâni’l-mübârek sene 931. Şuhûdü’l-hâl: Mezkûrân.