Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 219 Hüküm no: 337 Orijinal metin no: [50b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Tafsîl budur ki İsmail nâm kimesne meclis-i şer‘de bir asferü’l-levn, eftehu’l-hâcibeyn, ezraku’l-ayneyn, evsatu’l-kāme başına sarı külâh ve eğinine kebe ve ayağına çarık ve bez çakşır ve benevrek giyer Rûsiyyü’l-asl abd-ı âbıkı tutup fahru’l-a‘yân Çavuş Hayreddin âdemisi Mahmud’a teslîm olunup nafakası ve hıfzı için yevmî ikişer akçe takdîr olundu. Tahrîren fî evâsıtı Zilka‘de sene 930. Şuhûdü’l-hâl: Yeniçeri Ahmed b. Hamza, Koca Mustafa b. Salih, Ali b. Hamza. Mezkûr [u] mevsûf abd-ı âbıkın sâhibi vâdi-i Karaman’da imâm olan Nezir b. Resul Fakih’in imiş, teslîm olunup deftere sebt olundu. Tahrîren [fî] târihi’l-mezbûr. Şuhûdü’l-hâl: Mezkûrlar.