Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 222 Hüküm no: 347 Orijinal metin no: [51b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çavuş Hayreddin’e ait iki atın satılması Sebeb-i tahrîr-i sicil budur ki Fahru’l-a‘yân kāidü’l-cüyûş Çavuş Hayreddin cânibinden vekîl bi’l-kabz olan Kara Bâli b. Aslıhan meclis-i şer‘de mezkûr Çavuş’a âid olan iki bârgirleri yetmiş akçeye birin bey‘ eyleyip ve yirmi akçeye birisin bey‘ olunup cem‘an doksan akçe olup on akçe nafaka ve yedi akçe sicile bâkī yetmiş üç akçe Kara Bâli’de emânet konulup sebt-i sicil olundu. Tahrîren fî evâsıtı Zilhicce sene 930. Şuhûdü’l-hâl: Timurhan b. İsmail, Memi veled-i o, Pîri b. Aslıhan, Mustafa b. İsa Fakih ve gayruhüm. Zikr olunan meblağ Çavuş Hayreddin’e teslîm olunup sebt-i sicil olundu. Tahrîren fî 10 Ramazan sene 931. Şuhûdü’l-hâl: Hayreddin el-kâtib, Hüsam Bey b. Abdullah.