Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 227 Hüküm no: 358 Orijinal metin no: [52b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tahrîr-i sicil budur ki Ali ve Hüseyin nâm kimesneler meclis-i şer‘a bir asferü’l-levn, efraku’l-hâcibeyn, eşhelü’l-ayneyn, kāimü’l-enf, kösecü’l-lihye, tavîlü’l-kāme, Rûsiyyü’l-asl başına ak keçe köhne takye ve eğinine köhne ağrız ve ayağına çarık ve ağrız çakşır giyer abd-ı âbıkı tutup Çavuş Hayreddin âdemisi Mahmud’a teslîm olunup nafakası ve hıfzı için yevmî iki akçe takdîr olundu. Tahrîren fî 17 Şa‘bâni’l-mu‘azzam sene 931. Şuhûdü’l-hâl: Mezkûrûn. Mezkûr [u] mevsûf abd-ı âbıkın sâhibi nefs-i Bolu’dan mahalle-i Kara Seydi’den Fethullah b. Muslihiddin nâm kimesnenin imiş, müstahık idiğine i‘timâd olunup sebt-i sicil olundu. Tahrîren fî gurreti Ramazâni’l-mübârek sene 931. Şuhûdü’l-hâl: Mezkûrûn.