Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 232 Hüküm no: 371 Orijinal metin no: [54a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Tafsîl budur ki Kazâ-i Yoros’dan karye-i Sekikçil’den Musa nâm kimesne meclis-i şer‘a bir asferü’l-levn, efraku’l-hâcibeyn, kösecü’l-lihye, kāimü’l-enf, Rûsiyyü’l-asl başına gök bereve ve eğinine köhne kır yelek ve ak gömlek ve ayağına çarık ve kır benevrek giyer abd-ı âbıkı gurre-i Ramazânın yirmi dördüncü günü yevmü’l-ahadda tutup Çavuş Hayreddin âdemisi İskender b. Abdullah’a teslîm olunup nafakası ve hıfzı için yevmî iki akçe takdîr olundu. Tahrîren fî Ramazâni’l-mübârek sene 931. Şuhûdü’l-hâl: Hüseyin Çelebi b. merhûm Alâeddin, Memi b. Süleyman, İvaz b. Musa. Mezkûr [u] mevsûf abd-ı âbıkın sâhibi kazâ-i Şile’den karye-i Farkanlı’dan Resul b. Sahir Fakih nâm kimesnenin imiş. İ‘timad olunduğu ecilden teslîm olunup sebt-i sicil olundu. Tahrîren fî evâili Şevvâli’l-mükerrem sene 931. Şuhûdü’l-hâl: Bâli b. Aslıhan, Hacı Hüsam b. Ahmed ve gayruhümâ.