Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 233 Hüküm no: 373 Orijinal metin no: [54b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bosna asıllı kaçak kölenin sahibine teslim edilmesi Vech-i tahrîr-i sicil oldur ki Kazâ-i Yoros’dan Hasan nâm kimesne kazâ-i mezbûrede Bosnaviyyü’l-asl, asferü’l-levn, kösecü’l-lihye, efraku’l-hâcibeyn, evsatu’l-kāme, kāimetü’l-enf, eğininde boz aba yelek ve boz köhne benevrek ve ayağında kara pabuç, belinde çuka kenarı boz miyânbend ve başında bir ziyâde köhne kepenek yelken takyesi var Çavuş âdemisi Berber Ahmed’e teslîm olunup nafakası ve hıfzı için yevmî iki akçe takdîr olunup sebt-i sicil olundu. Tahrîren fî gurreti Şevvâli’l-mükerrem sene 931. Şuhûdü’l-hâl: Süleyman b. Yusuf, Eyvâni b. Mehmedşah, Memi b. İskender, Ayvaz b. Musa ve gayruhüm mine’l-müslimîn. Mezkûr [u] mevsûf abd-ı âbıkın sâhibi kazâ-i Gekvize kurbunda Erselli nâm karyede mütemekkin Ramazan b. el-Hâc Sinan nâm kimesnenin imiş. İ‘timad olunduğu ecilden teslîm olunup sebt-i sicil olundu. Tahrîren fî evâili Şevvâli’l-mükerrem sene 931. Şuhûdü’l-hâl: Mevlâna Ahmed Çelebi b. merhûm Sıyâmi, Yusuf b. Abdullah ve gayruhümâ.