Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 234 Hüküm no: 377 Orijinal metin no: [55a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak Arap kölenin satılması Vech-i tahrîr-i sicil budur ki İbrahim b. Yahya bir arap kul tutup eğininde yeniçeri köhne âsumânî çuka giyer başına külâh, ak makrama sarınır meclis-i şer‘de Çavuş Hayreddin âdemisi İskender’e Zilka‘de ayının ikinci gününde teslîm eyleyip nafakası ve hıfzı için yevmî iki akçe takdîr olundu. Tahrîren fî evâili Zilka‘de sene 931. Şuhûdü’l-hâl: Mezkûrûn. Mezkûr [u] mevsûf abd-ı âbıkın müddet-i örfiyyesi tamâm olduktan sonra mirâren mezâd olunup bin yüz elli akçeye bey‘ olunup iki yüz akçe nafakasına, doksan akçe ca‘lına on dört akçe iki sicillâta ve elli akçe müjdegânesine cem‘an üç yüz elli dört akçe harc olunup bâkī yedi yüz doksan altı Çavuş Hayreddin’e emânet konulup sebt-i sicil olundu. Tahrîren fî evâsıtı Saferi’l-muzaffer. Şuhûdü’l-hâl: Mezkûrûn.