Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 240 Hüküm no: 391 Orijinal metin no: [57b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırvat asıllı kaçak kölenin sahibine teslim edilmesi Sebeb-i tahrîr-i kitâb-ı şer‘î budur ki Mezkûr Hacı Hüseyin meclis-i şer‘a bir orta boylu, açık kaşlı, koyun gözlü, sakallı, kumralü’ş-şekl, başına keçe takye ve üstüne ak köhne kebe ve içine mor kapama ve ayağına pabuç giyer Hırvadiyyü’l-asl abd-ı âbıkı mezbûr senede tutup Üsküdar Emîni Timurhan’a teslîm olunup nafakası ve hıfzı için yevmî ikişer akçe takdîr olundu. Tahrîren fî Şa‘bâni’l-mu‘azzam sene 930. Şuhûdü’l-hâl: Mezkûrân. Mezkûr [u] mevsûf abd-ı âbıkın sâhibi kazâ-i Mihaliç’den karye-i Çalış’dan zimmîden Lefter b. Mihal imiş, teslîm olundu. Tahrîren fî evâhıri Ramazâni’l-mübârek sene 930. Şuhûdü’l-hâl: Mehmed b. Süleyman, Mustafa b. Abdullah.