Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 251 Hüküm no: 418 Orijinal metin no: [60b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Mecnûn Hüseyin nâm kimesne bir kumralü’ş-şekl, efraku’l-hâcibeyn, ezraku’l-ayneyn, mültehî ve bıyıklı, cesîm, evsatu’l-kāme başına külâh ve eğinine boz köhne bel dolaması ve benevrek ve ayağına İznikmid pabucu giyer Rûsiyyü’l-asl ve oku ve yayı ve nacağı var ve kuburu var abd-ı âbıkı Şevvâlin yirmi beşinci gününde tutup Üsküdar Emîninin âdemisi Mustafa’ya teslîm olundu. Tahrîren fî âhıri Şevvâli’l-mübârek sene selâsîne ve tis‘a mi’e. Şuhûdü’l-hâl: Mahmud el-müezzin, Kāsım b. el-Hâc Ali ve kâtibü’l-hurûf. Mezkûr [u] mevsûf abd-ı âbıkın sâhibi kazâ-i İznikmid’den karye-i Sabancı’dan solak zümresinden Mustafa b. Abdullah nâm kimesnenin imiş. İ‘timâd olunduğu ecilden teslîm olunup deftere sebt olundu. Tahrîren fî 23 Zilka‘de sene 930. Şuhûdü’l-hâl: Mevlâna Mehmed b. Davud, Yeniçeri Mehmed b. Hamza, Receb Çelebi b. Seydi.