Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 253 Hüküm no: 424 Orijinal metin no: [61a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırvat asıllı kaçak kölenin satılması Tafsîl budur ki Mezkûr İskender bir ahmerü’l-levn, eftehu’l-hâcibeyn, ganemü’l-ayneyn, evsatu’l-kāme, başına keçe külâh ve eğinine bir yüzü yeşilli ve bir cânibi kır aba ve ayağına âsumânî çakşır ve tokalı İslambol pabucu giyer Hırvadiyyü’l-asl abd-ı âbıkı mezbûr senede tutup mezkûr Mustafa’ya teslîm olundu. Tahrîren [fî] târihi’l-mezbûr. Şuhûdü’l-hâl: Mezkûrlar. Mezkûrân abd-ı âbıkların müddet-i örfiyyesi tamâm olup mirâren mezâd olunduklarından sonra kazâ-i Kete’den karye-i Karacalar’dan Yusuf b. Ali’ye bin dokuz yüz elli akçeye bey‘ olundukdan sonra dört yüz akçe nafakalarına ve yüz seksen akçe ca‘llarına ve yüz akçe bulan muştuluğuna ve yirmisekiz akçe resm-i sicillerine ve on iki akçe dellâliyelerine harc cem‘an yedi yüz yirmi akçe olup bâkī bin iki yüz otuz akçe Üsküdar Emîni Timurhan’da emânet konulup sebt-i sicil olundu. Tahrîren fî 27 Saferi’l-muzaffer sene 931. Şuhûdü’l-hâl: Hacı Hüseyin b. Kulağuz, Nazar b. Oruç, Mehmed b. Süleyman, Süleyman b. Yusuf, Kara Bâli b. Aslıhan ve gayruhüm.