Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 254 Hüküm no: 426 Orijinal metin no: [61a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin sahibine teslim edilmesi Tafsîl budur ki Doğancıyân zümresinden Ali nâm kimesne meclis-i şer‘de bir asferü’l-levn, eftehu’l-hâcibeyn, eşhelü’l-ayneyn, başına kızıl şapka ve eğinine kır aba giyer ve yalın ayak bukağı ile ibâkat eylemiş abd-ı âbıkı mezbûr senede tutup mezkûra teslîm olundu. Tahrîren fî evâsıtı Zilka‘de sene selâsîne ve tis‘a mi’e. Şuhûdü’l-hâl: Mehmed b. Süleyman, Hamza es-sâyis. Mezkûr [u] mevsûf abd-ı âbıkın sâhibi kazâ-i mezbûrda karye-i Kızılağıllı’dan İvaz b. İbrahim nâm kimesnenin imiş. İ‘timâd olunduğu ecilden teslîm olunduğu deftere sebt olundu. Tahrîren fî evâsıtı Zilka‘de sene 930. Şuhûdü’l-hâl: Yusuf Alaca, Kara Mehmedî.