Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 259 Hüküm no: 438 Orijinal metin no: [62b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin satılması Vech-i tahrîr-i hurûf budur ki İsa b. Gaybi meclis-i şer‘a bir ahmerü’l-levn, efraku’l-hâcibeyn, eşhelü’l-ayneyn, kāimü’l-enf, tâmmü’l-kad, başına çalma sarınır ve eğinine âsumânî beylik çuka ve içine kara zıbın ve gök gömlek ve ayağına postal pabuç giyer ve beline ak bez kuşak kuşanır abd-ı âbıkı getirip zâbıtu’l-avâbık âdemisi Mustafa’ya teslîm olunup nafakası ve hıfzı için yevmî iki akçe takdîr olundu. Tahrîren fi’l-yevmi’l-hamîs min 22 Şa‘bâni’l-mu‘azzam sene 931. Şuhûdü’l-hâl: Berber Hasan b. Musa, Kemal b. Gündüz, Mustafa b. Kaymağî, Hasan b. Turmuş ve gayruhüm. Mezkûr abd-ı âbıkın müddet-i örfiyyesi tamâm olduktan sonra beyne’t-tâlibîn ve’r-râgıbîn mezâd olup şehr-i Kostantıniyye’de Ali Paşa mahallesinde Mustafa Fakih’e bin akçeye bey‘ olunup sebt-i defter olundu. Tahrîren fî yevmi’r-râbi‘ aşere min Zilka‘de sene 931. Minhâ harc 368, el-bâkī 632.