Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 267 Hüküm no: 459 Orijinal metin no: [65a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak Arap kölenin satılması Kazıyye budur ki Mahmud b. Abdullah ve Memi b. Timurhan alâ tarîkı’l-iştirâk bir arap abd-ı âbık tutup eğininde bir Selanik çukası kaftan, virândan bel dolaması ve başında bir şeb-külâh ve ayağında iç edik giyer nafakası için iki akçe takdîr olunup sebt-i sicil olundu. Tahrîren fî 10 Zilka‘de sene 931. Şuhûdü’l-hâl: Şâhidûnü’l-mezkûrûn Vech-i tahrîr-i hurûf oldur ki, zikr olunan arapların müddet-i örfiyyeleri tamâm olup bey‘ olunmasına emr olunup sebt-i sicil olundu. Tahrîren fî gurreti evveli’r-Rebî‘ayn sene 932. Şuhûdü’l-hâl: Hacı Halil b. Emir b. Çepni, Memi b. Timurhan, Hüsam Bey b. Abdullah, Hacı Yusuf b. Timurhan ve gayruhüm mine’l-müslimîn. Der tahvîl-i Hacı Evrenos