Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 269 Hüküm no: 462 Orijinal metin no: [65b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tahrîr-i tezkiretü’l-hurûf budur ki Acemi oğlanlarından Hamza b. Abdullah bir asferü’l-levn, ezraku’l-ayneyn, efraku’l-hâcibeyn, Rûsiyyü’l-asl evsatu’l-kāme, başına keçe takye ve eğinine köhne ağrız ve şalvar ve ayağına çarık giyer abd-ı âbıkı meclis-i şer‘de Çavuş Hayreddin âdemisi Hüseyin b. Abdullah’a teslîm olunup nafakası ve hıfzı için yevmî iki akçe takdîr olunup sebt-i sicil olundu. Tahrîren fî evâsıtı Zilka‘de sene 932. Şuhûdü’l-hâl: Sinan b. Abdullah, Sadullah b. Hüsam Mezkûr [u] mevsûf abd-ı âbıkın sâhibi kazâ-i Konrepa’dan Karabey Dîvânı nâm karyeden Hacı Kāsım b. Yusuf nâm kimesnenin imiş. İ‘timâd olunduğu ecilden teslîm olunup sebt-i sicil olundu. Tahrîren fî 22 [min] şehri Zilka‘de sene 932. Şuhûdü’l-hâl: Ramazan b. Hacı Mustafa, İvaz b. Musa, Sinan b. Abdullah ve gayruhüm.