Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 280 Hüküm no: 489 Orijinal metin no: [69b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Tafsîl budur ki Karye-i İstavros’dan zimmî Karin b. Nikola meclis-i şer‘a bir asferü’l-levn, eftehu’l-hâcibeyn, ezraku’l-ayneyn, kāimü’l-enf, mültehî, Rûsiyyü’l-asl başına ak keçe takye ve eğinine kara ağrız ve kır yelek ve ayağına kurt ağzı pabuç giyer bir abd-ı âbıkı tutup Câbi Ali’ye teslîm eyleyip nafakası ve hıfzı için yevmî iki akçe takdîr olundu. Tahrîren fi’t-târihi’l-mezbûr. Şuhûdü’l-hâl: Mezkûrûn Mezkûr [u] mevsûf abd-ı âbıkın nefs-i İznikmid’de mütemekkin olan Yeniçeri Mustafa b. Abdullah mevlâsı idiği sâbit olup teslîm olunup sebt-i sicil olundu. Tahrîren fî evâsıtı Şevvâli’l-mükerrem sene 931. Şuhûdü’l-hâl: Mevlâna Ahmed Çelebi b. Mevlâna Sıyâmi, Süleyman b. Yusuf, Mustafa b. İlyas, Mehmed b. Süleyman ve gayruhüm mine’l-müslimîn.