Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 286 Hüküm no: 503 Orijinal metin no: [75a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırvat asıllı kaçak kölenin sahibine teslim edilmesi Kazıyye budur ki Mezbûr Turgut bir abd-ı âbık tutup tavîlü’l-kāme, müttasılü’l-hâcibeyn, ezraku’l-ayneyn, kāimü’l-enf, Hırvadiyyü’l-asl zikr olunan abdı Timurhan b. İsmail’e teslîm eyleyip nafakası ve hıfzı için yevmî ikişer akçe ta‘yîn olunup sebt-i sicil olundu. Tahrîren fî târihi’l-mezbûr ma‘a’ş-şühûr. Mezkûr [u] mevsûf abd-ı âbıkın sâhibi livâ-i mezbûrdan ve kazâ-i mezkûreden karye-i Keni’den Yusuf b. Musa nâm kimesne imiş. İ‘timâd olunduğu ecilden teslîm olunup sebt-i sicil olundu. Tahrîren fî 6 Zilka‘de sene 931. Şuhûdü’l-hâl: Mezkûrûn.