Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 290 Hüküm no: 515 Orijinal metin no: [77b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin sahibine teslim edilmesi Vech-i tahrîr-i tezkiretü’l-hurûf budur ki Koca Mustafa ve Çavuş gulâmı Hoşkadem nâm kimesneler meclis-i şer‘a bir asferü’l-levn, efraku’l-hâcibeyn, eşhelü’l-ayneyn, kāimü’l-enf, tavîlü’l-kāme, başına sennâ kuşu? yününden takye ve eğinine boz kebe ve içine boz kebe yelek ve ak don ve gömlek ve ayağına kebe çakşır ve çarık giyer abd-ı âbıkı tutup nafakası ve hıfzı için yevmî iki akçe takdîr olunup Üsküdar subaşısı Timurhan âdemisi Ases Ali’ye teslîm olunup sebt-i sicil olundu. Tahrîren fi’l-yevmi’l-hâmis min şehri Zilhicce sene selâse ve selâsîne ve tis‘a mi’e. Şuhûdü’l-hâl: Hoca Abdullah b. Yahşi, Mevlâna İbrahim el-hatîb, Kassâb Mahmud b. Abdullah ve gayruhüm. Mezkûr [u] mevsûf abd-ı âbıkın sâhibi kazâ-i Çağa’dan karye-i Yaycılar’dan Yusuf b. Hamza nâm kimesnenin olup teslîm olunup sebt-i sicil olundu. Tahrîren fî 27 Zilhicce sene 933. Şuhûdü’l-hâl: Hüseyin b. Ali, Saraç Murad b. Abdullah, Pîri b. Aslıhan, İvaz [b.] Hamza ve gayruhüm.