Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 296 Hüküm no: 529 Orijinal metin no: [79b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin satılması Vech-i tahrîr-i sicil budur ki Üsküdar Subaşısı âdemisi Ases [Hüseyin] b. Abdullah şer‘-i şerîfe bir asferü’l-levn, ezraku’l-ayneyn, efraku’l-hâcibeyn, kösecü’ş-şekl, başına siyah külâh üzerine çalma sarınır ve eğinine yeşil bogasî kaftan giyer ve gök zıbın ve ak gömlek ve don ve âsumânî çakşır ve postal pabuç giyer abd-ı âbık Turgutili’nden Melik Aslan b. Uzun İvaz nâm kimesnenin imiş. Elinde ıtıknâme üslûbunda bir kağıd bulunup amel olunmayıp hâliyâ ihtiyâtan Subaşı’ya teslîm olunup nafakası ve hıfzı için yevmî iki akçe takdîr olunup sebt-i sicil olundu. Tahrîren fi’l-yevmi’l-âşir min şehri evveli’r-Rebî‘ayn sene 934. Şuhûdü’l-hâl: Şücâ‘ Fakih b. İvaz, Seferşah b. Süleyman, Mehmed b. Süleyman ve gayruhüm. Mezkûr [u] mevsûf abd-ı âbıkın müddet-i örfiyyesi tamâm olup mirâren mezâd olundukda mahrûse-i Kostantıniyye’den Hoca Pîri mahallesinde mütemekkin Ali b. Abdullah nâm kimesneye bin akçeye bey‘ eyleyip gıbbe’t-taleb teslîm olundu. Tahrîren fi’l-yevmi’s-sâbi‘ min şehri Receb sene 934. Şuhûdü’l-hâl: Hüsam Bey b. Abdullah, Mahmud b. Umur, Hamza b. Abdullah Timurhan. Nafaka: 180, ca‘l 90, müjdegâne 50, resm-i sicil 14, dellâliye 10, resm-i hüccet 26, bâc 4, yekûn: 374, bâkī 926.