Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 300 Hüküm no: 537 Orijinal metin no: [81a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Paşa’nın adamlarına ait atlardan birinin satılması Kazıyye budur ki Dîvâne İlyas b. Abdullah, Mehmed Paşa bendelerinin atlarına yolda ulak binip feresler ödünç gittikde bir doru bârgiri yanlış getirip ihtiyâtan yava zâbıtı olan Timurhan b. İsmail’e teslîm olunup nafakası ve hıfzı için yevmî iki akçe takdîr olunup gıbbe’t-taleb tescîl olundu. Tahrîren fî 27 Şa‘bâni’l-mu‘azzam sene 934 Şuhûdü’l-hâl: Hızır b. Ahmed, Dede b. Mestan, Pîri b. Aslıhan ve gayruhüm. Zikr olunan feresin müddet-i örfiyyesi tamâm olup mirâren mezâd olundukda karye-i Karkancık’dan (…) zimmîye yüz otuz akçeye bey‘, otuz akçe nafakasına iki sicile on altı akçe ve on akçe müjdesine ve iki akçe dellâliyeye cem‘an elli sekiz akçe harc olup bâkī yetmiş iki akçe hâliyâ Üsküdar za‘îmi olan Ahmed Çelebi’ye emânet konulup sebt-i sicil olundu. Tahrîren fî gurreti Şevvâli’l-mükerrem sene 934.