Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 301 Hüküm no: 541 Orijinal metin no: [81b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin satılması Timurhan - Murad Kazıyye budur ki Ases Hüseyin b. Hasan meclis-i şer‘a bir asferü’l-levn, efraku’l-hâcibeyn, ezraku’l-ayneyn, tâmmü’l-kad, başına kürk takye ve eğinine ak aba zıbın ve kır aba kaftan ve ayağına çarık giyer Hasan b. Abdullah nâm [abd-ı âbıkı] tutup nafakası ve hıfzı için yevmî iki akçe takdîr olundu. Üsküdar Emîni Timurhan’a teslîm olunup gıbbe’t-taleb tescîl olundu. Tahrîren fî 16 Ramazâni’l-mübârek li-sene 934. Şuhûdü’l-hâl: Ali b. Musa, Hızır b. Ahmed, Veli Fakih b. Hızır ve gayruhüm. Mezkûr [u] mevsûf abd-ı âbıkın müddet-i örfiyyesi tamâm olup mirâren mezâd olundukda mahrûse-i Kostantıniyye’den Hoca Pîri mahallesinden Mehmed b. Danişmend’e dokuz yüz akçeye bey‘ olunup Ca‘lına doksan akçe ve müjdegânesine elli akçe ve nafakasına yüz seksen akçe ve resm-i hüccet ma‘a sicil kırk akçe ve dellâliye on akçe bâcına dört akçe cem‘an üç yüz yetmiş dört akçe olup bâkī beş yüz yirmi altı akçe Üsküdar za‘îmi olan Hüsam Bey b. Abdullah’da emânet konulup tescîl olundu. Tahrîren fî Zilhicce sene 934. Şuhûdü’l-hâl: Yusuf b. Abdullah.