Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 303 Hüküm no: 544 Orijinal metin no: [82a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölenin satılması Çavuş Vech-i tahrîr-i sicil budur ki Çavuş Hayreddin gulâmı Ferhad b. Abdullah meclis-i şer‘a bir asferü’l-levn, efraku’l-hâcibeyn, eşhelü’l-ayneyn, kösecü’ş-şekl başına keçe çoban takyesi ve eğinine kır aba ve sarı köhne zıbın ve ayağına aba çakşır ve postal pabuç giyer Hasan b. Abdullah nâm abd-ı âbıkı tutup meclis-i şer‘de nafakası ve hıfzı için iki akçe takdîr olunup Çavuş habsine mezkûr Ferhad ile irsâl olunup tescîl olundu. Tahrîren fi’l-yevmi’t-tâsi‘ aşere min [şehri] Ramazâni’l-mübârek li-sene 934. Şuhûdü’l-hâl: Bâli b. Aslıhan, Seferşah b. Süleyman, Bâli ve gayruhüm. Mezkûr [u] mevsûf abd-ı âbıkın sâhibi kazâ-i Yenişehir’den karye-i Barçın’dan İskender b. Abdullah er-râcil nâm kimesnenin imiş, teslîm olunup sebt-i sicil olundu. Tahrîren fî şehri Şevvâli’l-mükerrem sene 934. Şuhûdü’l-hâl: Ahmed Çelebi b. Za‘îm-i Üsküdar, Hoca Abdullah b. Yahşi.