Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 306 Hüküm no: 551 Orijinal metin no: [83a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bosna asıllı kaçak kölenin sahibine teslim edilmesi Kazıyye Sene erba‘ ve selâsîne ve tis‘a mi’e Şevvâlinin on yedinci [günü] muzâfât-ı kazâ-i Gekvize’ye tâbi‘ Çenger nâm karyeden Kosta ve Yani nâm zimmîler ellerinden bir asferü’l-levn, efraku’l-hâcibeyn, ezraku’l-ayneyn, tavîlü’l-kāme, Bosnaviyyü’l-asl eğinine köhne ak aba ve yeniçeri zıbını ve benevrek ve başına deri takye ve ayağına papuç giyer Hasan nâm abd-ı âbıkı yavadır diye getirip zâbıtu’l-avâbık Çavuş Hayreddin b. Mustafa’nın âdemisi Yusuf b. Abdullah’a teslîm olunup nafakası ve hıfzı için yevmî iki akçe takdîr olunup sebt-i sicil olundu. Tahrîren fî târihi’l-mezbûr. Müjde 50, nafaka ve hıfz yevm 2, sicill-i kadı 14. Mezkûr [u] mevsûf abd-ı âbıkın sâhibi nefs-i İznikmid’den Hacı Mehmed b. Ece Bey nâm kimesnenin olup teslîm olundu. Tahrîren fî 21 min şehri Şevvâl sene 934. Şuhûdü’l-hâl: Hatîb İbrahim, Hoca Abdullah, Bâli b. Aslıhan, Yusuf.