Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 313 Hüküm no: 569 Orijinal metin no: [86a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Kazıyye budur ki Karye-i İstavros Câbisi Ali b. Abdullah bir asferü’l-levn, efraku’l-hâcibeyn, ezraku’l-ayneyn, kösecü’ş-şekl, evsatu’l-kāme, Rûsiyyü’l-asl rıkkıyyete mu‘terif abd-ı âbıkı tutup meclis-i şer‘a getirip takdîr-i nafaka taleb eyledikde nafakası ve hıfzı için yevmî iki akçe takdîr olunup gıbbe’t-taleb tescîl olundu. Tahrîren fî 2 Zilhicce sene 934. Bekir Fakih’in imiş Müjde Nafaka Sicill-i kadı 30 2 14 Mezkûr [u] mevsûf abd-ı âbıkın sâhibi Şile Nâibü’ş-şer‘i olan Mevlâna Bekir Fakih b. İshak nâm kimesnenin olup teslîm olunup tescîl olundu. Tahrîren fî 8 Zilhicce sene 934. Şuhûdü’l-hâl: Bâli b. Aslıhan, Pîr Ahmed b. Mehmed, Veli Fakih b. Hızır.