Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 325 Hüküm no: 598 Orijinal metin no: [95b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban b. Bayezid’e ödünç verilmesi Vech-i tahrîr-i sicil budur ki Karye-i Kısıklı’dan Şaban b. Bayezid şer‘-i şerîf meclisinde merhûm Selman Ağa’nın vakıf akçesinden bin beş yüz akçe karz-ı hasenden ve elli akçe çuka kaftan bahâsından târih-i hâze’l-kitâbdan sene-i kâmile tamâm olunca edâ etmek üzere vakf-ı mezbûra deynim, vardır dedikde zâviye-i mezbûreye mütevellî ta‘yîn olan Süheyl b. Abdullah vech-i meşrûh [üzere] tasdîk eyledikten sonra meblağ-ı mesfûra Bayezid b. Kāsım kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Ali Bâli b. Kulağuz, Yusuf b. Abdullah en-ne‘âl, Balcı Reis b. Hamza ve gayruhüm.