Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 327 Hüküm no: 603 Orijinal metin no: [97b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bahriye Mescidi’nin vakfından Ahmed b. Abdullah’a ödünç verilmesi Vech-i tahrîr-i sicil budur ki Kasaba-i Üsküdar’dan Hürrem b. Abdullah meclis-i şer‘de zikr olunan kasabadan Ahmed b. Abdullah mahzarında Nuriye Hatun bt. Üveys, Bahriye mescidinin mumu için vakf eylediği bin akçeyi sene-i kâmile tamâm olunca vermek şartı üzere verdim ve yüz akçe kaftan bahâsından cem‘an bin yüz akçe olur, dedikde mezkûr Ahmed b. Abdullah vech-i meşrûh üzere mukır olduktan sonra meblağ-ı mesfûra oğlu Musa kefîl bi’l-mâl olup sebt-i sicil olundu. Tahrîren fî 2 Rebî‘ilâhir sene 932. Şuhûdü’l-hâl: Neccâr Mahmud b. Abdullah, Dellâk Mustafa b. Abdullah, Mehmed b. Süleyman ve gayruhüm.