Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 340 Hüküm no: 638 Orijinal metin no: [103b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban Mehmedî’ye ödünç verilmesi Vech-i tahrîr-i sicil budur ki Selman Ağa mütevellîsi Süheyl b. Abdullah meclis-i şer‘de Mehmed Paşa mahallesinden Na‘âl Şaban Mehmedî mahzarında takrîr-i kelâm kılıp eyitti ki, merhûm Selman Ağa’nın vakıf akçesinden beş yüz akçe karz-ı hasenden ve elli akçe kaftan bahâsından târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr Şaban dahi vech-i meşrûh üzere mukır olduktan sonra Müezzin Mahmud b. İshak kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Mevlâna İbrahim b. merhûm Hayreddin, İbrahim b. Gündüz, Şaban Halife el-imâm ve gayruhüm.