Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 57 Hüküm no: 45 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin Adalar naipliğine tayin olunduğu Yâ Allah Yâ Muhammed Bede’tü Bismillâhirrahmânirrahîm Fahrü’l-kuzâti’l-müteşerri‘în fazîletlü es-Seyyid Mehmed Efendi -dâme-muvaffakan- ve mükerremen. Ba‘de’t-tahiyyeti’l-vâfiye inhâ olunur ki işbu sene tis‘a ve seb‘în ve mi’ete ve elf mâh-ı Cemâziyelevveli gurresinden zabt etmek üzere medîne-i Üsküdar’a muzâfe Adalar nâhiyesinin niyâbeti tarafımızdan cenâbınıza tefvîz ve sipâriş olunmuşdur gerekdir ki nâhiye-i mezbûreyi gurre-i merkūmeden bi’n-niyâbe zabt u rabt ve beyne’l-ahâlî kemâ-yenbağī icrâ-yı ahkâm-ı şer‘-i âlî edüp cadde-i şerî‘at-i garrâdan ser-i mû inhirâfa cevâz göstermeyesiz ve’s-selâm. El-fakīr es-Seyyid Mehmed Masum La‘lîzâde El-kādı bi-medîneti Üsküdar Yâ Rabb dilimi sehv ü hatâdan sakla. Endîşîmi tezvîr ve riyâdan sakla.